गजल

गजल

                              - रुपिन्द्र प्रभावी ‘कटु’

अचानोको पीर खुकुरीलाई के थाहा ?

झुपदीको पीर त्यो हुरीलाई के थाहा ?

आफन्ताको भीडमा पनि एक्लै भएजस्तो

बाआमाको माया टुहुरीलाई के थाहा ?

यता जाऊं उता जाऊँ व्यस्तताको जञ्लालमात्रै

फुर्सद भन्ने कस्तो हुन्छ आतुरीलाई के थाहा ?

मुटु घोच्ने तीर अनि शूलको डसाइ

मनाई छिया छिया पार्ने छुरीलाई के थाहा ?

पसिनाको कमाइमा बाँच्नु गौरव लाग्छ

दुहाख भन्ने जाँगरिलो पाखुरीलाई के थाहा ?